तस्बिर- रमेश कार्कि, पिङको रमाइलोमा झुम्दै र नानी बोकेर पालो पर्खदै पृष्ठभुमिमा माडीफाँटमा लागेको कुइरो।

आमा खै अझै पनि आकाशमा मालचरा देखिएन
लहरमा उड्दै कराउनुपर्ने हो खै त कराएन ।
भन्नोस् न आमा
आकाशमा सधैं आउने मालचरा किन आएन?
घरघरमा सधैं आउने दशैं किन आएन?
मालचरासँगै हाम्रो दशैं हराउन त हराएन?
आमा तपाईं त भन्नुहुन्थ्यो
सबै बारी जोतेर रातै बनाएपछि
घर आँगन लिपेर सफा गराएपछि
बाटाघाटा खनेर राम्रा बनाएपछि
आकाशमा मालचरा आउँछन्
कर्‍याङ कुरुङको आवाजमा दशैं बोलाउँछन्

खै तपाईंले भने झै त भएको देखिएन
मालचरा आएको पनि देखिएन
खर काटेर बारीका पीङ पनि बाटिएन
वाँस काटेर घारीका लिंगा पनि गाडिएन
सधैं आउने हाम्रो दशैं अझै आएन ।

हो बाबु,यस पटक यस्तै यस्तै भएको छ ,
घरघरमा असन्तोष फैलिएको छ
लिपपोत गरेर घर सिंगार्ने सोचै छैन
बाटाघाटा खन्न जाने खोजै छैन
यस्ता बेलामा कसरी आउँथ्यो दशैं ?
आउने बाटो नै बनेको छैन,
खन्नु पर्नेले कतै खनेकै छैन ।

बाबु, दशैं आउन त शरद् ऋतु आउनुपर्छ,
सुन्दर फूलले वाग सजाउनुपर्छ
बाटाघाटा,घरआँगन सजाउन श्रम लगाउनुपर्छ
प्रकृतिले जतासुकै सुन्दरता फिंजाउनुपर्छ,
मान्छेको मनमा उज्यालो छाउनुपर्छ

आकाश हेर न अझै उघ्रेकै छैन
कालो बादल मडारिन छाडेकै छैन
बस्ती उजाड पार्ने बाढी मच्चिन छाडेकै छैन
झाडीमा श्याल कराउन छाडेकै छैन
मीठोआवाजमा मालचरा कराउन थालेकै छैन।
तिम्रा शिरमा जमरा घुसारेर
निधार राता अक्षताले सिंगारेर
मान्य जनका आशीर्वादमा
राम्राराम्रा कपडामा सजिएर
र मीठा खानेकुरा लिएर दशैं आउन करै लाग्छ
तर पर्खेर हेर र विचार गर,
दशैं आउन समय त लाग्छ लाग्छ
किनकि दशैं आउन कालो बादल फाट्नुपर्छ
गड्गडाएर बग्ने बाढीको बेग घट्नुपर्छ
र आकाश नीलो हुने गरी उघ्रनुपर्छ
त्यसका लागि सुन्दर वातावरण त बन्नैपर्छ
स्वच्छ शरद् त आउनैपर्छ
त्यसका लागि पनि केही समय त लाग्छ लाग्छ ।
त्यसैले पनि धैर्य र विश्वास गर
एकदिन यो आकाश निश्चितरूपले उघ्रनेछ
वरिपरिको वातावरण सुध्रनेछ,
घरहरूका भित्ता थरीथरीका रङले सजाइनेछ,
घरघरमा रमाइलो मनाइनेछ
आकाशमा उड्दाउड्दै मालचराको हूलले
तिमीलाई मीठो गीत सुनाउनेछ
र फेरि तिमी हामीले खोजेको दशैं आउनेछ ।।

email: dillirajaryal@gmail.com

Advertisements

Comments on: "विश्वास गर दशैं आउँछ : डिल्लीराज अर्याल" (4)

  1. आकासमा मालचराको हुल नाए पनि
    कराङ्कुरुङ् आवाजले दशै नगाए पनि
    रमाईलो दशैको लागि ‘मेन’ हो ‘मनि’

    सरि है कविता लेख्न सिकेको के।।।।।।।।

  2. robin karki tahoon palpa said:

    dilliraj aryal ji
    tapai ko lekh bastabmai ati marmik ra samaya sandharvik cha tapai ko kriti prati ma aavari chu bastavma vannu parda tapai ko lekh prati ma samupurna tahoon basi haru ko tarfa bata pratinidhitwo gardai aavar prakat garna chahanchu ..

  3. namaste
    I like this. I want this poem in voice (audio cd)not in pepar only.at last all madanpokharely want your more poem like this…………………………………..

  4. santosh panthi said:

    i like to say thanks god coz i see this beautiful poem i m also palpali therefore this picture is indicate our festival so thanks

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: